منقبت حضرت واصف علی واصف رحمتہ اللہ علیہ

ٹوٹے دلوں کی آس ہے واصفؒ ہے جس کا نام


ایک مردحق شناس ہے واصفؒ ہے جس کا نام


دنیا کو کر کے ایک طرف غور کیجئے



وہ روح کی مٹھاس ہے واصفؒ ہے جس کا نام


سویا ہے جسم تان کے مٹی کا سائباں


لیکن وہ سب کے پاس ہے واصفؒ ہے جس کا نام


لفظوں میں جگمگاتا ہے ایک نور آگہی


اسلوب نو کی باس ہے واصفؒ ہے جس کا نام


تخریب کے حصار میں انسان کیلئے



تعمیر کی اساس ہے واصفؒ ہے جس کا نام


عشقِ نبی سے عشقِ خدا پر شباب ہے


حق سچ کا اقتباس ہے واصفؒ ہے جس کا نام


روحوں کے آشنا کو میری روح کا سلام


ہر سمت اس کی باس ہے واصفؒ ہے جس کا نام


واصفؒ کے وصف وصف میں ہیں بے شمار وصف


اہل نظر کی پیاس ہے واصفؒ ہے جس کا نام


کرتا ہے سر اٹھا کہ ہمیشہ وطن کی بات


وہ کتنا خوش حواس ہے واصفؒ ہے جس کا نام


ہم جان اس سے دور ہیں ہم سے نہیں وہ دور


روحوں کے آس پاس ہے واصفؒ ہے جس کا نام

نعتِ رسولِ مقبولﷺ

کیوں ‘ آ کے رو رہا ہے ‘ آقا کے شہر میں
ہر درد کی دوا ہے ‘ آقا کے شہر میں

آﺅ گنہگارو ‘ چلو ‘ سر کے بل چلیں
بخشش کا دَر کھلا ہے ‘ آقا کے شہر میں

مانگے ‘ نہ بھیک مانگے ‘ یہ مرضی فقیر کی
بن مانگے مل رہا ہے ‘ آقا کے شہر میں

جھکتے ہیں سب ملائک ‘ کعبہ کے سامنے
کعبہ جھکا ہوا ہے ‘ آقا کے شہر میں

جنت کی آرزو نہیں مجھ کو ‘ میرے خدا
دو گز بڑی جگہ ہے ‘ آقا کے شہر میں

واصفؒ ‘ میرے لیے تو ‘ مدینہ ہے لامکاں
جنت کی اِنتہا ہے ‘ آقا کے شہر میں

اللہ کی رحمت

اللہ کو یاد کرنا، اس کو پکارنا، اس کی رحمت کو پکارنا رحمان کو پکارنا ہے رحیم کو پکارنا ہے۔ ستار و غفار کو پکارنا ہے۔ کسی نے قہار کو نہیں پکارا، حالانکہ یہ اللہ ہی کی صفت ہے۔ ہم اس صفت کو پکارتے ہیں جس سے ہمیں واسطہ ہے، رزق دینے والا، معافی دینے والا، شفادینے والا، زندگی بخشنے والا، نیکی کی توفیق دینے والا، مطلب یہ کہ اللہ کی سب صفات ، سب کے پکارنے کے لیے نہیں ہیں۔ اللہ سے عزت مانگو اور عزت حاصل کرنے کے اعمال کا علم مانگو
۔ ہم خیر کے قافلے میں ہیں۔ ہماری عاقبت خیر والوں کے ساتھ ہے۔ اللہ کے محبوبﷺ سے محبت رکھنے والوں کے ساتھ ہے۔
مخالفین دین کی عاقبت ، اور ان کے انجام کے بارے میں اللہ جانے اور اللہ کا پروگرام۔
دوزخ کی آگ کو کیسے انسانوں کا انتظار ہے۔ کم از کم مسلمانوں کا نہیں۔ اللہ کے محبوبﷺ کو ماننے والے دوزخ میں نہیں جا سکتے۔

سوچنے کی بات

انسان دوسرے کی دولت دیکھ کر اپنے حالات پر اس قدر شرمندہ کیو ں ہوتا ہے۔

یہ تقسیم تقدیر ہے۔ہمارے لیے ہمارے ماںباپ ہی باعث تکریم ہیں۔

ہماری پہچان ہمارہ اپنا چہرہ ہے۔

ہماری عاقبت ہمارے اپنے دین میں ہے۔

اسی طرح ہماری خوشیاںہمارے ا پنے حالات اور ماحول میںہیں۔

ہم یہ نہیںجان سکتے کے فلاںکی ساتھ ایسا کیوںاور ہمارے ساتھ ویسا کیوںہے۔
حضرت موسیٰ(ع) نے اللہ تعالیٰ سے پوچھا!
اے رب العالمین آپ نے چھپکلی کو کیوںپیدا فرمایا؟
اللہ تعالیٰ نے جواب دیا۔

عجب بات ہے ابھی ابھی چھپکلی پوچھ رہی تھی، اے رب العالمین آپ نے موسیٰ کو کیوںپیدا کیا؟
بات وہی ہے کہ انسان اپنے نصیب پر خوش و راضی رہے۔

Moti!!! -Hazrat Wasif Ali Wasif r.a-

سورج کا مذہب نہیں پوچھا جاتا اُس سے روشنی حاصل کی جاتی ہے۔"
"جب آنکھ دل بن جائے تو دل آنکھ بن جاتا ہے"
''چمگادڑوں کو جلوہ آفتاب نظر نہیں آتا اس میں روشنی کا کیا قصور"

"انا کا سفر ختم ہو جائے تو ظلم کا سفر ختم ہو جاتا ہے"
پست خیال آدمی آکاس بیل کی طرح خود پھیلتا ہے مگر دوسروں کو پھیلنے سے روکتا ہے۔